بربي توضيح للي صار اليوم للناس الي فاهمة الحكاية بالغالط ، المعتصمين اليوم فيهم برشة روحو منهم ( الصغار و الشيوخ ) اما قعدو زادة برشة منهم يطالبو باستقالة الغنوشي بما انو من رموز النظام البائد . عاد و هوما قاعدين معتصمين فجأة الجيش هز روحو و مشى و انسحب من الساحة ، المعتصمين دخلو في حالة ذعر بما انو وجود الجيش كان موفرلهم الحماية ، و ......هوما هكاك جاوهم برشة اعوان من وحدات التدخل ( البوب) و سكرو الانهج الي توصل و تخرج مالقصبة الكل ! هوما هكاك جماعة مندسين مع المعتصمين ، اصلا ما يعرفوهمش فيبالهم ولاد العاصمة الي متضامنين معاهم بداو يضربو في الحاكم بالحجر ياخي الحاكم هاجم المعتصمين ( لوغة دفاع عن النفس) و المشكل انو المندسين هوما الوحيدين الي نجمو يخرجو مالقصبة بقدرة قادر ! الحاكم استعمل قنابل الغاز و حصر المعتصمون لا نجمو يهربو لا نجمو يقدمولو ، ياخي صارت برشه حالات اختناق ، ادت إلى وفاة 3 معتصمين !!
في شارع الحبيب بورقيبة ، الناس سمعو بالي صاير حبو يمشيو باش يساندو المعتصمين ، ياخي الحاكم منعهم و قام بحملة اعتقالات عشوائية للشباب ، بالشوية بالشوية الحكاية كبرت ، و ولات عركة مع الحاكم انتقلت من باب بحر ، إلى شارع الحبيب بورقيبة ، إلى شارع باريس، إلى لافايات !!
هذا الي صار ! بشهادة الناس الي حاضرين
في شارع الحبيب بورقيبة ، الناس سمعو بالي صاير حبو يمشيو باش يساندو المعتصمين ، ياخي الحاكم منعهم و قام بحملة اعتقالات عشوائية للشباب ، بالشوية بالشوية الحكاية كبرت ، و ولات عركة مع الحاكم انتقلت من باب بحر ، إلى شارع الحبيب بورقيبة ، إلى شارع باريس، إلى لافايات !!
هذا الي صار ! بشهادة الناس الي حاضرين